09/11/12 20:06:03 nnuEMmrC
>>91
Ｍ：てｰげｰｴｷｻｲﾄしちゃっくさやｰ｡
Ｓ：ぬｰが？
Ｍ：あらんさ､筑紫､岡留がぬｰやんくｰやんりち､ぬれｰとぅばちゃっくせｰ｡あんちわじたっきねｰ､ゆけｰ暑くなんどｰやｰ｡
Ｓ：別に､ぬらとぅｰぬちむいやあらんしがや｡
ちゅｰぬらてぃそｰせｰぬちゅｰや居らんでぃ思いしが､ｳﾁﾅﾝﾁｭｰ前ｰなちゅｰぬばｰや油口たらたらｰしち､ﾔﾏﾄｩﾝﾁｭｰどｰさｰぬばｰや､ｳﾁﾅｰぬくとぅ言いぶさ勝手言ちゃっくとぅよｰ､ゆんぱごさぬれんでｰ｡
あんねｰしたｰ黙てぃ許ちやならんばｰあらんな？
Ｍ：うりやあいえっしがよ｡
Ｓ：ｳﾁﾅｰかい移住しちちｰ､昼やｺﾞﾙﾌしち､夜や松山ぬｽﾅｯｸじ飲でぃ､政治家､ﾏｽｺﾐ関係者とぅ人脈作てぃや､ｳﾁﾅｰぬ政治･文化ぬﾈﾀ拾いｰしち､ﾔﾏﾄｩの雑誌んかい書ち飛ばすん｡
うりじﾔﾏﾄｩじや反権力じらｰしち通用しｰがすら分からんしが､ｳﾁﾅｰじや只ぬゆんたくたんめｰりしか見ｰらんばｰてｰ｡
Ｍ：はっさ､ゆけｰわじｰしちゃっくさや｡まｰ､気持ちや分かいしがや｡ﾔﾏﾄｩぬ仕事引退しちから移住しちちｰ､ｳﾁﾅｰぬくとぅ分かたんぷｰなｰすｰし見ｰねｰ､我んぬんいい気持ちやさんしが｡
ただ､なまからうんねｰぬﾁｭｰぬ､ゆけｰうぽｰくないがやｰり思いねｰ､にりむんやえっさｰや｡
Ｓ：我んが一番好かんしや､どぅなｰたｰじ｢沖縄理解者｣｢沖縄ｼﾝﾊﾟ｣り言ちゃっくぬ者たｰよ｡うんねｰぬ言葉自体が､やなはじゃｰすんばｰよ｡｢東京理解者｣｢東京ｼﾝﾊﾟ｣りいうぬ言葉聞ちゃんくとぅあんな？
Ｍ：うりやねんささｰ｡えっしが､ｳﾁﾅｰかいすｰぬﾔﾏﾄｩﾝﾁｭｰぬん､色んなﾁｭｰぬ居いとぅや｡あんねｰぬﾁｭｰびかｰやあらんでぃ思いしが｡
Ｓ：うりやあてｰめｰれｰる｡ある程度話しｰねｰ分かるんばｰあらんな｡ｳﾁﾅﾝﾁｭｰうしぇｰたっくしや､言葉ぬ端々に､ちゃんちん本音が出じるんよｰやｰ｡
ｳﾁﾅｰぬくとぅ批判しｰぶせｰねｰちゃっさしちんしむｰしがてｰ､うぬﾁｭｰが真面目に考えｰてぃ批判しちゅんばｰげら､ﾁｭｰうしぇ物言いしちゅｰぬうっぴｰげらりいうしや､ちゃんとぅ見っちから相手さんねｰならんばｰらんな｡
Ｍ：うりやあいえっさ｡お人好し扱いさってぃやｰ､生身ぬ人間までぃ癒しぬ道具にさったんどｰれｰ､たまったむぬやあらんとぅや…
↑
速効で訳してみて