09/11/12 20:06:03 nnuEMmrC
>>91
M:てーげーエキサイトしちゃっくさやー。
S:ぬーが?
M:あらんさ、筑紫、岡留がぬーやんくーやんりち、ぬれーとぅばちゃっくせー。あんちわじたっきねー、ゆけー暑くなんどーやー。
S:別に、ぬらとぅーぬちむいやあらんしがや。
ちゅーぬらてぃそーせーぬちゅーや居らんでぃ思いしが、ウチナンチュー前ーなちゅーぬばーや油口たらたらーしち、ヤマトゥンチューどーさーぬばーや、ウチナーぬくとぅ言いぶさ勝手言ちゃっくとぅよー、ゆんぱごさぬれんでー。
あんねーしたー黙てぃ許ちやならんばーあらんな?
M:うりやあいえっしがよ。
S:ウチナーかい移住しちちー、昼やゴルフしち、夜や松山ぬスナックじ飲でぃ、政治家、マスコミ関係者とぅ人脈作てぃや、ウチナーぬ政治・文化ぬネタ拾いーしち、ヤマトゥの雑誌んかい書ち飛ばすん。
うりじヤマトゥじや反権力じらーしち通用しーがすら分からんしが、ウチナーじや只ぬゆんたくたんめーりしか見ーらんばーてー。
M:はっさ、ゆけーわじーしちゃっくさや。まー、気持ちや分かいしがや。ヤマトゥぬ仕事引退しちから移住しちちー、ウチナーぬくとぅ分かたんぷーなーすーし見ーねー、我んぬんいい気持ちやさんしが。
ただ、なまからうんねーぬチューぬ、ゆけーうぽーくないがやーり思いねー、にりむんやえっさーや。
S:我んが一番好かんしや、どぅなーたーじ「沖縄理解者」「沖縄シンパ」り言ちゃっくぬ者たーよ。うんねーぬ言葉自体が、やなはじゃーすんばーよ。「東京理解者」「東京シンパ」りいうぬ言葉聞ちゃんくとぅあんな?
M:うりやねんささー。えっしが、ウチナーかいすーぬヤマトゥンチューぬん、色んなチューぬ居いとぅや。あんねーぬチューびかーやあらんでぃ思いしが。
S:うりやあてーめーれーる。ある程度話しーねー分かるんばーあらんな。ウチナンチューうしぇーたっくしや、言葉ぬ端々に、ちゃんちん本音が出じるんよーやー。
ウチナーぬくとぅ批判しーぶせーねーちゃっさしちんしむーしがてー、うぬチューが真面目に考えーてぃ批判しちゅんばーげら、チューうしぇ物言いしちゅーぬうっぴーげらりいうしや、ちゃんとぅ見っちから相手さんねーならんばーらんな。
M:うりやあいえっさ。お人好し扱いさってぃやー、生身ぬ人間までぃ癒しぬ道具にさったんどーれー、たまったむぬやあらんとぅや…
↑
速効で訳してみて