11/07/27 20:34:22.13 jA5my1uV
組踊んかい有ぬ大和語（伊波普猷編ぬ『琉球戯曲集』から）
【註1】沖縄語や、かあま昔から、大和語とぅいぬ語やしんあい、また、薩摩占領時代んじ、
大和んかい船遣するうちなかい、和語ぬ沖縄語化そおる語ん有いびいくとぅ、くまんかい紹介うんぬきとおる語彙が、
じゅんに、和語彙やみ、あらにんでぃ言る事お、今成てぃ、見じいねえ、うぬ境や、うむよう成てぃ、定み苦さるむんやいびいしが、
明（あち）らかに、うぬばす和語から取い入りたんでぃ、考えらりいしびけん、載しやびたん。（『沖縄語辞典』んじえ、「文語」とぅさあい、
「沖縄語」扱え成とおるむぬんあいびいしが、輸入語とぅさあい、誰がん、考えぎさるむん（一般的な許容範囲）とぅさびたん。
やしが、組踊んかいや、なあふぃん大和風儀ぬ言葉ぬ予備軍や、まんどおいびいん。
【註２】組踊んかいや、「しばて置かうや」「急がう」「起さう」「見だうや」んでえぬ、言い様ぬあいびいん。
うったあや日本語ぬ未然形（志向形）あらんがやあ、んでぃ思ゆる人ん居る筈やいびいしが、うったあや、糸満言葉とお、いぬむん、
「～置き」「急ぎ」「起し」「見でぃ」ぬ如し、昔ぬ命令形ぬ意味どぅやいびいる、大和むにいやあいびらん。
【註３】また、「～は」「～を」でえぬ、大和語敵助詞使えんあてぃ、じゅんにやれえ、大和むにいとぅし、
下ぬ欄んかい載し欲しゃんあいびいしが、組踊ぬ特徴とぅし、「おもろさうし」んでえぬ言葉使え（言い回し）ん、
いいくる使あらっとおいびいくとぅ、うかっとう、大和物言い扱えやないびらん。何やらわん、いざとぅないねえ、
ありんくりん吟味さんでえないびらんくとぅ、定みぐるさるびいん（吉屋）。